«Қайрат» ФК «Ауыл Футбол Awards 2023» марапаттау рәсіміне қатысты

Бұл шара «Ауыл Футбол» ауқымды қайырымдылық жобасының аралық аяқталуы болды. Оның мақсаты – ауылдарда балалар футболын дамыту, футболды спорт түрі ретінде танымал ету, сондай-ақ балалардың футболға деген ынтасын қалыптастыру.

Бүгін Aport Mall East СО-да «Ауыл Футбол Awards» үздіктерін марапаттау рәсімі өтті.

Шақырылған қонақтардың қатарында «Қайрат» ФК өкілдері – Бақылау кеңесінің төрағасы Боранбаев Қайрат Советайұлы, бас директор Есимов Аскар Асилбекович, Қазақстан футболының ардагері Ордабаев Құралбек Досжанұлы, сондай-ақ футболшылар Еркебұлан Сейдахмет пен Мирас Оматай болды.

Үміткерлерге сыйлық беріп марапаттау туралы шешімді «Арман Ауыл» Қорының Қамқоршылық Кеңесінің мүшелері қабылдады. 11 номинация бойынша иегерлерге мүсінше, диплом мен «Халық» қайырымдылық қорынан ақшалай сыйлық беріп марапаттады.z